၂၀၂၆ ကမ္ဘာ့ဖလား ပြိုင်ပွဲ စတင်ဖို့ ရက်ပိုင်းအလိုမှာပဲ Opta ရဲ့ စူပါကွန်ပျူတာ ကနေ ကနေဒါ၊ ဘော့စနီးယား၊ ကာတာနဲ့ ဆွစ်ဇာလန်တို့ ပါဝင်နေတဲ့ အုပ်စု (B) ရဲ့ အလားအလာ ခန့်မှန်းချက်တွေကို ဖော်ပြပေးလာပါတယ်။
အုပ်စု (B) မှာတော့ ကမ္ဘာ့အဆင့်အတန်းနဲ့ နှိုင်းယှဉ်ရင် အတွေ့အကြုံ သိပ်မရှိသေးတဲ့ အသင်းငယ်လေးတွေ အများစု ပါဝင်နေတာကို တွေ့ရပါတယ်။ ဆွစ်ဇာလန် ကတော့ ကမ္ဘာ့ဖလား ပြိုင်ပွဲကို (၁၂) ကြိမ် အထိ ပါဝင်ယှဉ်ပြိုင်ဖူးတာကြောင့် အတွေ့အကြုံ အရင့်ကျက်ဆုံး အသင်းအဖြစ် ထိပ်ဆုံးက ရှိနေပါတယ်။ ပူးတွဲအိမ်ရှင် ကနေဒါ အသင်း ကတော့ ကမ္ဘာ့ဖလားကို တတိယအကြိမ်မြောက် ယှဉ်ပြိုင်တာ ဖြစ်ပြီး ဘော့စနီးယားနဲ့ ကာတာ တို့ကတော့ သူတို့ အတွက် ဒုတိယအကြိမ်မြောက် ကမ္ဘာ့ဖလား ခရီးစဉ်ကို လျှောက်လှမ်းကြရမှာ ဖြစ်ပါတယ်။
ဒီတော့ ဆွစ်ဇာလန် အသင်းရဲ့ ကမ္ဘာ့ဖလား အတွေ့အကြုံတွေက သူတို့ကို အုပ်စုကနေ တက်ဖို့ အလိုအလျောက် ရေပန်းအစားဆုံး ဖြစ်သွားစေသလား ဆိုပြီး မေးခွန်းထုတ်စရာ ရှိလာပါတယ်။ တကယ်လို့ ဟုတ်ခဲ့ရင်ရော သူတို့နဲ့ အတူ ဘယ်အသင်းက ကမ္ဘာ့ဖလား သမိုင်းတစ်လျှောက် ပထမဆုံး အကြိမ် ရှုံးထွက်အဆင့်ကို တက်လှမ်းသွားနိုင်မလဲ ဆိုတာ စိတ်ဝင်စားစရာ ကောင်းနေပါတယ်။
အုပ်စု (B) အတွက် စူပါကွန်ပြူတာရဲ့ ရလဒ်ခန့်မှန်းချက်များ
- ဆွစ်ဇာလန် – နောက်တစ်ဆင့် တက်ဖို့ ၈၅.၄% အထိ ရေပန်းအစားဆုံး ဖြစ်နေပြီး အုပ်စုပထမရဖို့ ၄၂.၁% ရှိပါတယ်။
- ကနေဒါ – ပူးတွဲအိမ်ရှင် ကနေဒါ ကတော့ နောက်တစ်ဆင့်တက်ဖို့ ၇၉.၈% ရှိပြီး ဒုတိယ အင်အား အကောင်းဆုံး အသင်း အဖြစ် သတ်မှတ်ခံထားရပါတယ်။
- ဘော့စနီးယား-ဟာဇီဂိုဗီးနား – နောက်တစ်ဆင့်တက်ဖို့ ၆၂.၆% ရှိတာကြောင့် လျှော့တွက်လို့ မရတဲ့ အသင်းပါ။
- ကာတာ – အုပ်စုပထမရဖို့ ၈.၉% သာ ရှိပြီး နောက်တစ်ဆင့် (၃၂ သင်းအဆင့်) ရောက်ဖို့ ၄၃.၅% သာ ရှိတာကြောင့် သူတို့ တက်လှမ်းနိုင်ခဲ့ရင်တော့ အံ့အားသင့်စရာ ဖြစ်လာပါလိမ့်မယ်။
အသင်းအလိုက် အသေးစိတ်သုံးသပ်ချက်
ဆွစ်ဇာလန်
ဆွစ်ဇာလန်ဟာ ကမ္ဘာ့ဖလား ပုံမှန် ခြေစစ်ပွဲ အောင်နေကျ အသင်းဖြစ်ပေမယ့် ပြိုင်ပွဲကြီးတွေမှာ ထူးထူးခြားခြား အောင်မြင်မှု ရခဲ့တာတော့ တော်တော်ကြာပါပြီ။ သူတို့ဟာ ကွာတားဖိုင်နယ်ကို (၃) ကြိမ် ရောက်ဖူးပေမယ့် နောက်ဆုံး ရောက်ခဲ့တာက သူတို့ ကိုယ်တိုင် အိမ်ရှင် အဖြစ် လက်ခံ ကျင်းပခဲ့တဲ့ ၁၉၅၄ ခုနှစ် ကတည်းက ဖြစ်ပါတယ်။ အဲဒီနောက်ပိုင်းကစလို့ ဒုတိယအဆင့် (၁၆ သင်းအဆင့်) ထက် ပိုပြီး ဘယ်တော့မှ မကျော်ဖြတ်နိုင်ခဲ့ပါဘူး။
ဒါပေမယ့် အုပ်စု (B) ထဲက ကျန်တဲ့အသင်းတွေရဲ့ အတွေ့အကြုံနည်းပါးမှုကို ကြည့်ရင် ဆွစ်ဇာလန် အနေနဲ့ ၂၀၀၆ ခုနှစ်နောက်ပိုင်း ကမ္ဘာ့ဖလား သမိုင်းတစ်လျှောက် ဒုတိယအကြိမ်မြောက် အုပ်စုပထမနဲ့ နောက်တစ်ဆင့်တက်ဖို့ အခွင့်အရေး အများကြီးရှိနေပါတယ်။ သူတို့ အနေနဲ့ အုပ်စု ပထမရဖို့ ၄၂.၁% ရှိပြီး ဘယ်လမ်းကြောင်းကနေပဲ ဖြစ်ဖြစ် နောက်တစ်ဆင့် တက်ဖို့ ၈၅.၄% အထိ သေချာသလောက် ရှိနေပါတယ်။
တကယ်လို့ သူတို့ နောက်တစ်ဆင့် မတက်ရင်တော့ ဒါဟာ အကြီးမားဆုံး အံ့အားသင့်စရာ ဖြစ်လာပါလိမ့်မယ်။ သူတို့ဟာ ပြင်သစ်နဲ့ အတူ ပြီးခဲ့တဲ့ နိုင်ငံတကာ ပြိုင်ပွဲကြီး ၆ ခု ဆက်တိုက်မှာ နောက်တစ်ဆင့်ကို အမြဲတမ်း တက်ရောက်နိုင်ခဲ့တဲ့ ဥရောပက အသင်း နှစ်သင်းထဲက တစ်သင်းလည်း ဖြစ်ပါတယ်။
နည်းပြ မူရတ် ယာကင်ရဲ့ လူစာရင်းမှာ ဂရန်နစ် ဂျာကာနဲ့ ရီကာဒို ရိုဒရီဂွက်ဇ်တို့လို ကမ္ဘာ့ဖလား ၄ ကြိမ်ဆက် ယှဉ်ပြိုင်မယ့် ဝါရင့်ကစားသမားတွေ ပါဝင်လာတာကြောင့် အသင်းရဲ့ ကျောရိုးက တောင့်တင်းနေပါတယ်။ ဒါပေမယ့် ယူရို ၂၀၂၄ အပြီးမှာ အနားယူသွားခဲ့တဲ့ ဂျာဒန် ရှကီရီ မပါဝင်တော့တဲ့ ဆွစ်ဇာလန် အသင်းကို ပြိုင်ပွဲကြီး တစ်ခုမှာ ကြည့်ရမှာ ကတော့ ပရိသတ်တွေ အတွက် ဟာတာတာ ဖြစ်နေစေမှာ သေချာပါတယ်။
ကနေဒါ
ကနေဒါ အသင်းဟာ ဇွန်လ ၁၂ ရက်နေ့မှာ တိုရွန်တိုကွင်းမှာ ဘော့စနီးယား အသင်းနဲ့ စတင် ရင်ဆိုင်ပြီး အုပ်စု ပွဲစဉ်တွေကို ဖွင့်လှစ်သွားမှာ ဖြစ်ပါတယ်။ သူတို့ဟာ ၁၉၈၆ ခုနှစ်မှာ တစ်ကြိမ်သာ ကမ္ဘာ့ဖလား ကစားဖူးပြီး အခုဆိုရင်တော့ နှစ်ကြိမ် ဆက်တိုက် ကမ္ဘာ့ဖလား ပြိုင်ပွဲကို လာရောက် ယှဉ်ပြိုင်ခွင့် ရရှိတာ ဖြစ်ပါတယ်။
သူတို့ရဲ့ ကမ္ဘာ့ဖလား သမိုင်းမှတ်တမ်းတွေကို ပြန်ကြည့်ရင်တော့ ကစားခဲ့တဲ့ ၆ ပွဲလုံး ရှုံးနိမ့်ထားတာကြောင့် အားရစရာ မရှိလှပါဘူး။ ဒါပေမယ့် အခု အုပ်စု (B) ထဲက အသင်းတွေရဲ့ အခြေအနေ မတိမ်းမယိမ်းဖြစ်မှုနဲ့ သူတို့ရဲ့ အိမ်ရှင် အဆင့်အတန်းက သူတို့ရဲ့ မှတ်တမ်းဆိုးတွေကို ပြုပြင်ဖို့ အခွင့်အရေးကောင်း တစ်ခု ဖြစ်လာစေပါတယ်။
စူပါကွန်ပျူတာရဲ့ တွက်ချက်မှုအရ သူတို့ဟာ အုပ်စု (B) ကနေ နောက်တစ်ဆင့် တက်ဖို့ ဒုတိယ အခွင့်အရေးအရှိဆုံး အသင်း (၇၉.၈%) ဖြစ်ပါတယ်။ သူတို့ အနေနဲ့ အုပ်စု ပထမရဖို့ အလားအလာ (၃၁.၇%) နဲ့ အုပ်စု ဒုတိယရဖို့ အလားအလာ (၃၀.၈%) က အတော်လေး နီးစပ်နေတာကို တွေ့ရပါတယ်။
နည်းပြ ဂျက်ဆီ မာ့ရှ် အနေနဲ့ ၂၀၂၂ ကမ္ဘာ့ဖလားတုန်းက ကနေဒါကို ကိုင်တွယ်ခဲ့တာ မဟုတ်ပေမယ့် ဒါဟာ သူ ကနေဒါကို ဦးဆောင်ကာ လမ်းညွှန်ပြသမယ့် တတိယမြောက် ပြိုင်ပွဲကြီး ဖြစ်လာပါတယ်။ သူတို့ဟာ ၂၀၂၄ ကိုပါအမေရိကမှာ စတုတ္ထနေရာ ရရှိခဲ့သလို၊ ၂၀၂၅ ကွန်ကာကပ်ဖ် ရွှေဖလား ပြိုင်ပွဲ မှာလည်း ဂွါတီမာလာကို ရှုံးပြီး မထွက်ခွာရခင် အထိ ကွာတားဖိုင်နယ် အဆင့်ကို ရောက်ရှိခဲ့ပါတယ်။
ဂျိုနသန် ဒေးဗစ် ကတော့ အသင်းရဲ့ အဓိက အန္တရာယ်အရှိဆုံး တိုက်စစ်မှူး ဖြစ်လာပါလိမ့်မယ်။ လိုင်လီနဲ့အတူ သုံးရာသီ ဆက်တိုက် ပြိုင်ပွဲစုံမှာ အနည်းဆုံး ၂၅ ဂိုးစီ သွင်းယူနိုင်ခဲ့ပေမယ့် ဂျူဗင်တပ်စ်ကို ပြောင်းရွှေ့ခဲ့တဲ့ သူ့ရဲ့ ပထမဆုံးရာသီ မှာတော့ ၄၆ ပွဲကစား ၈ ဂိုးသာ သွင်းယူနိုင်ခဲ့လို့ အနည်းငယ် ရုန်းကန်ခဲ့ရပါတယ်။
ဘော့စနီးယား-ဟာဇီဂိုဗီးနား
စူပါကွန်ပျူတာက ဘော့စနီးယားကို အုပ်စုတွင်း တတိယ အင်အား အကောင်းဆုံး အသင်း အဖြစ် သတ်မှတ်ထားပြီး နောက်တစ်ဆင့်တက်ဖို့ ၆၂.၆% ရှိပါတယ်။ သူတို့ဟာ အုပ်စုပထမရဖို့ အလားအလာ (၁၇.၃%) ထက် အုပ်စု နောက်ဆုံး ရဖို့ အလားအလာ (၃၀.၅%) က ပိုများနေတာကို တွေ့ရပါတယ်။
သူတို့ အနေနဲ့ ၂၀၁၄ ခုနှစ်က ကမ္ဘာ့ဖလား ပြိုင်ပွဲ တစ်ကြိမ်ပဲ ကစားဖူးတာကြောင့် အရင်က ကမ္ဘာ့ဖလား မှတ်တမ်းတွေက အခုပြိုင်ပွဲအတွက် သိပ်ပြီး အရေးမပါလှပါဘူး။ အဲဒီအစား ကမ္ဘာ့ဖလား ခြေစစ်ပွဲ အုပ်စုအဆင့်တုန်းက ရမှတ် ၂၄ မှတ်မှာ ၁၇ မှတ် အထိ ရယူနိုင်ခဲ့တဲ့ သူတို့ရဲ့ စွမ်းဆောင်ရည်က သူတို့ဟာ သိပ်ပြီး အန္တရာယ် ရှိတဲ့ ပြိုင်ဘက် မဟုတ်ဘူးဆိုတာကို သက်သေပြနေပါတယ်။
သူတို့ဟာ အင်အားတောင့်တင်းတဲ့ သြစတြီးယား အသင်းရဲ့ နောက်မှာ ဒုတိယနေရာနဲ့သာ ကျေနပ်ခဲ့ရလို့ ပလေးအော့ဖ် အဆင့်ကို ကစားခဲ့ရပြီး ဝေးလ်စ်နဲ့ အီတလီ တို့ကို ပင်နယ်တီ အဆုံးအဖြတ်တွေနဲ့ အနိုင်ယူပြီးမှ ခြေစစ်ပွဲ အောင်မြင်လာခဲ့တာ ဖြစ်ပါတယ်။
ပြီးခဲ့တဲ့ မတ်လမှာတင် အသက် ၄၀ ပြည့်ခဲ့ပြီ ဖြစ်တဲ့ ဝါရင့် တိုက်စစ်မှူး အီဒင် ဒီဂျက်ကို ကတော့ အသင်းအတွက် စွမ်းဆောင်ပေးနိုင်တာတွေ ရှိနေဆဲ ဖြစ်ပါတယ်။ ပလေးအော့ဖ် ပွဲစဉ်တွေ အပါအဝင် သူဟာ ခြေစစ်ပွဲတုန်းက ဘော့စနီးယား အတွက် ၆ ဂိုးသွင်းပြီး ဂိုးအများဆုံး သွင်းယူပေးခဲ့သူ ဖြစ်ပါတယ်။ ဒါ့အပြင် ဇန်နဝါရီလကမှ ဂျာမန်ကလပ် ရှော်လ်ကေးကို ပြောင်းရွှေ့ခဲ့ပြီးနောက် မိနစ် ၆၀၀ အောက်သာ ကစားခဲ့ရချိန်မှာတင် ၆ ဂိုးသွင်း၊ ၃ ကြိမ် ဖန်တီးပေးပြီး ရှော်လ်ကေးကို ဂျာမန် ဘွန်ဒက်စ်လီဂါဆီ ပြန်လည် တက်လှမ်းနိုင်အောင် ကူညီပေးထားနိုင်ခဲ့လို့ ခြေစွမ်းကောင်းမွန်နေဆဲ ဖြစ်ပါတယ်။
ကာတာ
ပြီးခဲ့တဲ့ ၂၀၂၂ ခုနှစ်တုန်းက အိမ်ရှင်အဖြစ် ကမ္ဘာ့ဖလားကို ပထမဆုံး ယှဉ်ပြိုင်ခဲ့ပြီးနောက် အခု ဒုတိယအကြိမ် အဖြစ် လာရောက်ယှဉ်ပြိုင်တဲ့ ကာတာ ကတော့ စူပါကွန်ပျူတာရဲ့ တွက်ချက်မှုအရ အုပ်စုတွင်း အားအနည်းဆုံး အသင်း ဖြစ်နေပါတယ်။ သူတို့အနေနဲ့ အုပ်စု ကနေ နောက်တစ်ဆင့် တက်ဖို့ အလားအလာ (၄၃.၅%) ထက် အုပ်စုနောက်ဆုံးမှာ ရပ်တည်ဖို့ အလားအလာ (၄၇.၀%) က ပိုများနေပါတယ်။
ဒါပေမယ့် နည်းပြချုပ် ယူလန် လိုပက်တီဂီရဲ့ လက်အောက်မှာ ကာတာ အသင်း ပေးစွမ်းနိုင်တာ ကတော့ အပန်းဖြေ ကြည့်ရှုလို့ ကောင်းမယ့် သွင်းဂိုးတွေပဲ ဖြစ်ပါတယ်။ ၂၀၂၆ အာရှဇုန် ကမ္ဘာ့ဖလား ခြေစစ်ပွဲမှာ အနည်းဆုံး ၁၀ ပွဲ ကစားခဲ့တဲ့ အသင်းတွေထဲမှာ ကာတာ အသင်းရဲ့ ပွဲစဉ်တွေဟာ တစ်ပွဲ ပျမ်းမျှ သွင်းဂိုး (၃.၆) ဂိုးအထိ ရှိခဲ့တာကြောင့် တခြား ဘယ်အသင်းထက်မဆို ဂိုးအများဆုံး ထွက်ပေါ်ခဲ့တဲ့ ပွဲစဉ်တွေ အဖြစ် မှတ်တမ်းဝင်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
