ရိုးမားကို ပြောင်းရွှေ့မယ့် လိုင်ယွန် ကွင်းလယ်လူ၊ နာပိုလီက ချန်ပီယံ ဖြစ်ဖို့ ထိုက်တန်ကြောင်း ပြောကြားလိုက်တဲ့ အယ်လီဂရီအစရှိတဲ့ သတင်းတွေ အပါအဝင် မေလ ၈ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
ရိုးမားကို ပြောင်းရွှေ့မယ့် လိုင်ယွန် ကွင်းလယ်လူ
စီးရီးအေ ကလပ်ဟာ အာဝါကို ကာလရှည် စိတ်ဝင်စားခဲ့တာ ဖြစ်ပြီး လက်ရှိအချိန် မှာတော့ ကစားသမားနဲ့ ကလပ် အသင်း အကြား ပုဂ္ဂိုလ်ရေးအရ သဘောတူညီမှုတွေ ရရှိခဲ့ပြီ ဖြစ်ပါတယ်။ ရိုးမားတို့ အနေနဲ့ အာဝါကို အလွတ် ပြောင်းရွှေ့ကြေးနဲ့ ခေါ်ယူနိုင်မှာ ဖြစ်ကြောင်းလည်း သိရှိရပါတယ်။
အသက် (၂၄) နှစ် အရွယ် အဆိုပါ ကွင်းလယ်လူကို စပိန် ကလပ် ရီးရဲလ်ဘက်တစ်နဲ့ နာမည်ကျော် မန်ချက်စတာယူနိုက်တက် တို့ကလည်း စိတ်ဝင်စားခဲ့ပါသေးတယ်။ အာဝါဟာ ဒီရာသီမှာ လိုင်ယွန် အတွက် (၁၄) ပွဲ ကစား၊ တစ်ဂိုး သွင်း၊ တစ်ဂိုး ဖန်တီးပေးထားနိုင်ပါတယ်။ ရိုးမားဟာ ပြီးခဲ့တဲ့ (၂၀၂၂) ခုနှစ် နွေရာသီကတည်းက အာဝါကို စိတ်ဝင်စားခဲ့တာ ဖြစ်ပြီး လာမယ့်နွေရာသီ မှာတော့ အမှန်တကယ် ခေါ်ယူနိုင်တော့မှာလည်း ဖြစ်ပါတယ်။
နာပိုလီက ချန်ပီယံ ဖြစ်ဖို့ ထိုက်တန်ကြောင်း ပြောကြားလိုက်တဲ့ အယ်လီဂရီ
ဂျူဗင်တပ်စ် နည်းပြ မက်စ် အယ်လီဂရီက နာပိုလီတို့ ဒီရာသီမှာ စီးရီးအေ ချန်ပီယံ ဖြစ်ဖို့ ထိုက်တန်ကြောင်း ချီးကျူး ပြောကြားခဲ့ပါတယ်။
နာပိုလီရဲ့ ဒီရာသီ အောင်မြင်မှု အပေါ်မှာ ဂျူဗင်တပ်စ် နည်းပြ အယ်လီဂရီက နာပိုလီတို့ ဒီရာသီမှာ စွမ်းဆောင်ခဲ့တဲ့ ကိန်းဂဏန်းတွေ အရ သူတို့ ချန်ပီယံဖြစ်ဖို့ ထိုက်တန်ကြောင်း၊ ဒါပေမယ့် တစ်ရာသီနဲ့ တစ်ရာသီက ကွာခြားပြီး လာမယ့်ရာသီ ကတော့ လန်းလန်းဆန်းဆန်း အစပြုလာမှာ ဖြစ်ကြောင်း၊ နာပိုလီရဲ့ စွမ်းဆောင်ခဲ့သမျှတွေ အတွက် ကျွန်တော်တို့ သေချာပေါက် ဂုဏ်ပြုရမှာ ဖြစ်ကြောင်း ပြောကြားခဲ့ပါတယ်။
အသင်းမှာ ရှိနေတဲ့ အတွက် ဂုဏ်ယူကြောင်း ဂျူဗင်တပ်စ် ဆယ်ကျော်သက် ပြောကြား
မနေ့ညက ကစားခဲ့တဲ့ အတ္တလန္တာနဲ့ စီးရီးအေ ပွဲမှာ ဂျူဗင်တပ်စ် အတွက် အဖွင့်ဂိုး သွင်းယူပေးနိုင်ခဲ့တဲ့ ဆမ်မြူရယ် အယ်လင် ဂျူနီယာက သူ့အနေနဲ့ အသင်းမှာ ရှိနေခွင့်ရတဲ့ အတွက် ဂုဏ်ယူမိကြောင်း ပြောကြားခဲ့ပါတယ်။
အသက် (၂၃) နှစ် အရွယ် အယ်လင်ဟာ သူ့ရဲ့ ပွဲဦးထွက်မှာ အသင်း အတွက် အဖွင့်ဂိုး သွင်းယူပေးနိုင်ခဲ့ပြီး နာကျင်အချိန်ပို မှာလည်း ဒူဆန် ဗလာဟိုဗစ်က ဒုတိယဂိုးသွင်းယူနိုင်ခဲ့တာကြောင့် ဂျူဗင်တပ်စ်တို့ နှစ်ဂိုးပြတ်နဲ့ အနိုင်ရရှိခဲ့ပါတယ်။ ဒီနိုင်ပွဲကြောင့် ဂျူဗင်တပ်စ်တို့ လာမယ့် ရာသီ ချန်ပီယံလိဂ် ဝင်ခွင့် မျှော်လင့်ချက် အတွက် ပိုမို အားကောင်းသွားခဲ့ပါပြီ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
