ဗလာဟိုဗစ်ကို ထပ်မံ ဆုံးရှုံးရဦးမယ့် ဂျူဗီ၊ မော်ရင်ဟို ဘရာဇီးလ် နည်းပြ ဖြစ်လာနိုင်ကြောင်း ဖွင့်ဟလာတဲ့ ပေါ်တို ကြယ်ပွင့်ဟောင်း စတဲ့ သတင်းတွေ အပါအဝင် ဇန်နဝါရီ ၁၀ ရက်နေ့ အတွက် ရရှိထားသမျှ နောက်ဆုံးရ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
ဒဏ်ရာကြောင့် ဗလာဟိုဗစ်ကို ထပ်မံ ဆုံးရှုံးရဦးမယ့် ဂျူဗင်တပ်စ်
အဆိုပါ တူရင် ကလပ်ဟာ နောက်ပိုင်း စီးရီးအေ ပွဲစဥ်တွေမှာ ရလဒ်ပိုင်း ပြန်လည် တည်ငြိမ်လာခဲ့ပေမယ့် လက်ရှိ ဗလာဟိုဗစ်ရဲ့ ဒဏ်ရာပြဿနာက အသင်း အတွက် သတင်းဆိုးဖြစ်ခဲ့ပါတယ်။
မာရာဒိုနာနဲ့ ခိုင်းနှိုင်းချီးကျူးခံနေရတဲ့ ဂျူဗင်တပ်စ်ကြယ်ပွင့် ချီယေဆာ
အင်တာမီလန်ရဲ့ ဂန္တဝင်ကြီး ဘက်ပီ ဘာဂိုမီက ဂျူဗင်တပ်စ်တို့ အူဒီးနီးစ်ကို အနိုင်ရရှိခဲ့တဲ့ စီးရီးအေ ပွဲစဥ်မှာ ဂျူဗင်တပ်စ် အတွက် တစ်လုံးတည်းသော အနိုင်ဂိုးကို ဖန်တီးပေးခဲ့တဲ့ ဖက်ဒရစ်ကို ချီယေဆာကို မာရာဒိုနာနဲ့ ခိုင်းနှိုင်း ချီးကျူးလိုက်ပါတယ်။
အဲ့ဒါကြောင့်လည်း ဘာဂိုမီက ချီယေဆာရဲ့ ကစားပုံဟာ မာရာဒိုနာကို ပြန်လည် အမှတ်ရစေကြောင်း၊ မာရာဒိုနာ ကလည်း ဆန်စီရိုကွင်းမှာ ဘောလုံးကို ရင်ဘတ်နဲ့ ထိန်းပြီး ဘောလုံးမြေကြီးပေါ် မကျခင် အခုလိုမျိုး ကန်ပြခဲ့ဖူးကြောင်း ချီးကျူး ပြောကြားခဲ့တာ ဖြစ်ပါတယ်။
မော်ရင်ဟို ဘရာဇီးလ် နည်းပြ ဖြစ်လာမယ်လို့ ပေါ်တို ကြယ်ပွင့်ဟောင်း ဖွင့်ဟ
လက်ရှိ စီးရီးအေ ကလပ် ရိုးမားရဲ့ နည်းပြ ဟိုဆေး မော်ရင်ဟိုဟာ ဘရာဇီးလက်ရွေးစင် အသင်းရဲ့ နည်းပြ ဖြစ်လာလိမ့်မယ်လို့ ပေါ်တို ကြယ်ပွင့်ဟောင်း ကားလို့စ် အယ်လ်ဘာတိုက ဆိုပါတယ်။
မော်ရင်ဟို ပေါ်တိုကို ကိုင်တွယ်ခဲ့တုန်းက ကစားသမားဖြစ်ခဲ့တဲ့ အယ်လ်ဘာတိုက မော်ရင်ဟိုက ဘရာဇီးလ် နည်းပြသစ် ဖြစ်လာဖို့ ရှိကြောင်းနဲ့ ကျွန်တော့် ကိုတောင် သူ့ရဲ့ လက်ထောက် အဖြစ် ဆောင်ရွက်ဖို့ ပြောထားကြောင်း ဖွင့်ဟသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
