ဒါဘီအောင်ပွဲဟာ အေစီမီလန်ရဲ့ စီးရီးအေ ချန်ပီယံဆု အတွက် အလားအလာကောင်းတွေ ရှိတယ် ဆိုတာ အတည်ပြုပေးခဲ့ကြောင်း နည်းပြ မက်စ် အယ်လီဂရီက ကြုံးဝါး ပြောဆိုလိုက်ပါတယ်။ အေစီမီလန်ဟာ အခုတစ်ပတ် စီးရီးအေ ပွဲစဉ်မှာ မြို့ခံ ပြိုင်ဘက် အင်တာမီလန်ကို ခရစ္စတီယန် ပူလီဆစ်ရဲ့ တစ်လုံးတည်းသော သွင်းဂိုးနဲ့ အနိုင်ယူခဲ့ပြီး စကူဒက်တို ချန်ပီယံဆု အတွက် ပြိုင်ဆိုင်မှုကို ပိုမို ပြင်းထန်စေခဲ့တာ ဖြစ်ပါတယ်။
မက်ဆီမီလီယာနို အယ်လီဂရီက အေစီမီလန်က အင်တာမီလန်ကို ၁-၀ နဲ့ အနိုင်ရခဲ့တာက သူတို့ဟာ စီးရီးအေမှာ စစ်မှန်တဲ့ ပြိုင်ဘက် အသင်း အဖြစ် ရပ်တည်နေနိုင်တယ် ဆိုတာ ပြသလိုက်ခြင်း ဖြစ်သလို သူတို့က အမှတ်ပြည့် ရဖို့ ပိုပြီး ထိုက်တန်ခဲ့တယ်လို့လည်း ဆိုပါတယ်။ တကယ်တော့ အဲဒီပွဲမှာ အင်တာက အေစီထက် ပိုကောင်းတဲ့ စွမ်းဆောင်ရည်ကို ပြသနိုင်ခဲ့ပေမယ့် အဆုံးသတ် အားနည်းချက်တွေကြောင့် အမှတ်မရခဲ့တာ ဖြစ်ပါတယ်။
ဒါ့အပြင် ဟာကန် ချလနောဂလူရဲ့ ပင်နယ်တီကို ကာကွယ်သွားနိုင်ခဲ့တဲ့ မိုက်ခ် မိုက်ဂ်နွန်ကြောင့်လည်း အေစီမီလန်တို့ ကံကောင်းခဲ့တယ် ဆိုရင်လည်း မမှားပါဘူး။ ဒီရလဒ်ကြောင့် အေစီမီလန်က အဓိက ပြိုင်ဘက်တွေကို ကျော်တက်ပြီး စီးရီးအေ ဇယား ဒုတိယနေရာကို တက်လှမ်းနိုင်ခဲ့ပါတယ်။ လက်ရှိ စီးရီးအေ အမှတ်ပေးဇယားကို ဦးဆောင်နေတာ ကတော့ ဂတ်စ်ပီရီနီရဲ့ ရိုးမား ဖြစ်ပြီး အယ်လီဂရီရဲ့ အသင်းကို ၂ မှတ် ဖြတ်ထားပါတယ်။
Opta စူပါကွန်ပျူတာရဲ့ အဆိုအရ မီလန် ဒါဘီ နိုင်ပွဲကြောင့် အေစီမီလန်ရဲ့ စီးရီးအေ ချန်ပီယံဆု အတွက် အခွင့်အလမ်းက ၁၈.၇% အထိ မြင့်တက်လာခဲ့ပါတယ်။ အင်တာမီလန် ကတော့ ချန်ပီယံ ဖြစ်နိုင်ခြေ ၃၈.၁% နဲ့ ရေပန်းစားနေဆဲ ဖြစ်ပြီး ရိုးမား ကတော့ ၁၉.၁% ရှိနေပါတယ်။
ပွဲအပြီးမှာ အယ်လီဂရီက “ကျွန်တော် တို့မှာ ရှိတဲ့ အမှတ်တွေက ကျွန်တော် တို့နဲ့ ထိုက်တန်တဲ့ ရမှတ်တွေလို့ ကျွန်တော် ထင်ပါတယ်။ ထိပ်တန်း အဆင့် ပွဲစဉ် တစ်ပွဲ ဖြစ်တဲ့အခါ ပိုပြီး ဆုံးဖြတ်ချက် ပိုပိုင်နိုင်ဖို့ လိုအပ်ပြီး ပိုပြီး အာရုံစူးစိုက်မှု ရှိရပါတယ်။ ဒါကြောင့် ကျွန်တော် တို့ရဲ့ ပြင်းထန်မှုကို လျှော့ချလိုက်ရင် ကျွန်တော်တို့ အားနည်းလာလိမ့်မယ် ဆိုတာ နားလည်ထားရပါမယ်။ စိတ်ပိုင်းဆိုင်ရာ အရတော့ ဒါဟာ အရေးကြီးတဲ့ အောင်ပွဲ တစ်ခုပါ၊ ထိပ်ဆုံး ၄ သင်းထဲမှာ ရှိနေဖို့က ကျွန်တော်တို့ လိုချင်တဲ့ အရာပါ။” လို့ ပြောကြားသွားခဲ့ပါတယ်။
အေစီမီလန်ဟာ ပြိုင်ပွဲစုံမှာ အင်တာမီလန်ကို ၆ ပွဲ ဆက်တိုက် ရှုံးပွဲ မရှိ ကစားထားပြီး ၄ ပွဲ နိုင်၊ ၂ ပွဲ သရေကျကာ ၂၀၀၅ ခုနှစ် ဧပြီလမှာ ရပ်တန့်ခဲ့တဲ့ ၁၀ ပွဲ ဆက်တိုက် ရှုံးပွဲ မရှိခဲ့တဲ့ နောက်ပိုင်း Derby della Madonnina မှာ အရှည်ကြာဆုံး စံချိန်ကို ရရှိထားပြီလည်း ဖြစ်ပါတယ်။ နောက်ဆုံး မှာတော့ အယ်လီဂရီက “ဒါဟာ ကြီးကျယ် ခမ်းနားတဲ့ အောင်ပွဲတစ်ခုပါ၊ ဖျော်ဖြေမှုလည်း ပေးနိုင်ခဲ့တဲ့ ပွဲ တစ်ပွဲပါ။ ပထမ ၁၅ မိနစ်မှာ ကျွန်တော်တို့ အနည်းငယ် ခက်ခဲခဲ့ပေမယ့် နောက်ပိုင်း မှာတော့ ကျွန်တော်တို့ ဖိအားတွေ လျော့ခဲ့ပါတယ်။” လို့ အယ်လီဂရီက ထပ်လောင်းပြောကြားခဲ့ပါတယ်။
အေစီမီလန်က လာမယ့် နိုဝင်ဘာ ၃၀ မှာ လာဇီယိုနဲ့ စီးရီးအေ ပွဲစဉ် ၁၃ ကို ကစားရဖို့ ရှိပြီး ဒီဇင်ဘာလ ၄ ရက်နေ့ မှာလည်း လာဇီယိုနဲ့ပဲ ကိုပါအီတလီယာဖလား ကစားရဖို့ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
