ရာဖေးလ် လီယာအိုကို စိတ်ဝင်စားမှု မြင့်တက်လာတဲ့ ယူနိုက်တက်၊ အင်္ဂလန် ထိပ်သီး ၃ သင်းရဲ့ ပစ်မှတ် ဖြစ်လာတဲ့ ဘေယန် ကြယ်ပွင့် | ပရီးမီးယားလိဂ်

အခုတစ်ခါမှာတော့ အောက်တိုဘာလ ၂၆ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။

ပရီးမီးယားလိဂ် ကလပ် မန်ချက်စတာယူနိုက်တက် ကတော့ အေစီမီလန် တိုက်စစ်မှူး ရာဖေးလ် လီယာအိုကို စိတ်ဝင်စားမှု မြင့်တက်လာခဲ့ကြောင်း သိရပါတယ်။ ဒီကစားသမား ကိုတော့ ချဲလ်ဆီး ကလည်း ခေါ်ယူဖို့ စိတ်ဝင်စားနေပြီး ပေါ်တူဂီ ကြယ်ပွင့်ရဲ့ တန်ကြေး ကတော့ ယူရို သန်း ၈၀ ကနေ သန်း ၁၀၀ (ပေါင် ၆၉.၉ ကနေ ၈၇.၃ သန်း) အကြားမှာ ရှိနေကြောင်း Fichajes က ဖော်ပြပါတယ်။

ပုံစံကောင်း ပျောက်ဆုံးနေတဲ့ မိုဟာမက် ဆာလာရဲ့ နေရာမှာ အစားထိုးဖို့ လစ်ဗာပူးလ်က လာမယ့် နွေရာသီတွင် ဘုန်းမောက်က အန်တိုနီ ဆီမီညိုနဲ့ နယူးကာဆယ်ယူနိုက်တက်က အန်သိုနီ ဂေါ်ဒွန် နှစ်ဦးစလုံးကို ခေါ်ယူရန် အသင့် ဖြစ်နေကြောင်း Football Insider က ဖော်ပြပါတယ်။

မန်ချက်စတာယူနိုက်တက် ကတော့ ဘရိုက်တန် ကွင်းလယ်လူ ကားလို့စ် ဘယ်လီဘာ့ကို ခေါ်ယူဖို့ထက် ခရစ္စတယ်ပဲလေ့စ် ကွင်းလယ်လူ အဒမ် ဝှာတန်ကို ဦးစားပေး ခေါ်ယူဖို့ မျှော်လင့်နေကြောင်း TEAMtalk က ဖော်ပြပါတယ်။

ပရီးမီးယားလိဂ် ကလပ် အာဆင်နယ်၊ ချဲလ်ဆီးနဲ့ မန်ချက်စတာစီးတီး တို့ကတော့ ဘေယန်မြူးနစ်ရဲ့ နောက်ဆုံး ထုတ်ကုန် အံ့ဖွယ် ကြယ်ပွင့် လန်နာ့တ် ကားလ်ကို ခေါ်ယူဖို့ စိတ်ဝင်စားနေပါတယ်။ ဒါပေမယ့်လည်း ဘွန်ဒက်စ်လီဂါ ကလပ် ကတော့ သူတို့ရဲ့ ကြယ်ပွင့်ကို ရောင်းထုတ်ဖို့ အစီအစဉ် မရှိကြောင်း CaughtOffside က ဖော်ပြပါတယ်။

လစ်ဗာပူးလ်နဲ့ ရီးရဲလ်မက်ဒရစ် တို့ကတော့ လာမယ့်နှစ်မှာ ကီနန် ယီလ်ဒစ်ဇ်ကို ခေါ်ယူဖို့ အပြောင်းအရွှေ့ တိုက်ပွဲမှာ ပါဝင်ဖို့ ရှိနေကြောင်း သိရပါတယ်။ ဒါ့အပြင် ပရီးမီးယားလိဂ် ချန်ပီယံ အသင်းက ဂျူဗင်တပ်စ် ကွင်းလယ်လူ ခီဖရန် သူရမ်ကို ခေါ်ယူဖို့ စပိန် ထိပ်သီး တို့နဲ့လည်း ယှဉ်ပြိုင်ရဦးမှာ ဖြစ်ပါတယ်။ သူရမ် အတွက် ကိုတော့ ဂျူဗင်တပ်စ်က ယူရို သန်း ၇၀ (ပေါင် ၆၁.၂ သန်း၊ ဒေါ်လာ ၈၁.၄ သန်း) တောင်းဆိုထားပေမယ့် ဒီပမာဏက နှစ်သင်းစလုံး အခက်အခဲ မရှိနိုင်ကြောင်းလည်း သိရပါတယ်။

ယူနိုက်တက် အသင်းခေါင်းဆောင် ဘရူနို ဖာနန်ဒက်စ် ကတော့ ဘေယန်မြူးနစ်ကို ပြောင်းရွှေ့ဖို့ အလားအလာ ရှိတဲ့ ထင်ကြေးတွေကို လုံးဝ ပယ်ချလိုက်ကြောင်း CF Bayern Insiderက ဖော်ပြပါတယ်။

မာ့ခ်ဂူဟီ ကတော့ မျှော်လင့်ထားတာထက် စောပြီး အန်ဖီးလ်ကို ပြောင်းရွှေ့ဖွယ် ရှိနေကြောင်း သိရပါတယ်။ ဒါပေမယ့်လည်း အခြေအနေတွေက မသေချာသေးပဲ လစ်ဗာပူးလ် အနေနဲ့ ခရစ္စတယ်ပဲလေ့စ် ဗဟိုနောက်ခံလူကို ပေါင် ၃၅ သန်း (ဒေါ်လာ ၄၆.၆ သန်း) နဲ့ သဘောတူညီမှု ရရှိမယ် ဆိုရင်တော့ လာမယ့် ဇန်နဝါရီမှာ ခေါ်ယူဖွယ် ရှိနေကြောင်း Football Insider က ဖော်ပြပါတယ်။

ဒါပေမယ့်လည်း ဘေယန်မြူးနစ် ကလည်း ဂူဟီရဲ့ အပြောင်းအရွှေ့ လွန်ဆွဲပွဲမှာ အခြေအနေ ကောင်းနေတယ်လို့ သတင်းတွေ ထွက်ပေါ်နေပါတယ်။ ဂူဟီရဲ့ ကိုယ်စားလှယ်တွေ ကတော့ ဒီတစ်ပတ် အတွင်း ဘွန်ဒက်စ်လီဂါ ချန်ပီယံ ကလပ်နဲ့ ဆွေးနွေးခဲ့ကြောင်း ခရစ်ရှန် ဖော့ခ်က ဖော်ပြပါတယ်။ မန်ချက်စတာစီးတီး ကတော့ ကလပ် အသင်းခေါင်းဆောင်ဟောင်းနဲ့ လက်ရှိ ဘေယန်မြူးနစ် နည်းပြ ဗင်းန်ဆင့် ကွန်ပနီကို ပပ် ဂွါဒီယိုလာရဲ့ နေရာမှာ ဆက်ခံသူ အဖြစ် စဉ်းစားနေကြောင်း သတင်းတွေ ထွက်ပေါ်နေပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.