အခုတစ်ခါမှာတော့ အောက်တိုဘာလ ၂၃ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
ပရီးမီးယားလိဂ် ကလပ် လစ်ဗာပူးလ် ကတော့ ဒီနွေရာသီမှာ နယူးကာဆယ်က ဆဗန် ဘော့တ်မန်း ကို စောင့်ကြည့်နေကြောင်း သိရပါတယ်။
လစ်ဗာပူးလ် ကတော့ လာမယ့် နွေရာသီမှာ မာ့ခ် ဂူဟီကို ခေါ်ယူဖို့ မလွယ်ကူတော့တာကြောင့် စပို့တင်းလစ္စဘွန်း ဗဟိုနောက်ခံလူ အူစမန်နီ ဒီယိုမန်ဒီကို ခေါ်ယူဖို့ စိတ်အားထက်သန်နေကြောင်း သိရပါတယ်။ တစ်ဖက် မှာလည်း မန်ချက်စတာယူနိုက်တက် နည်းပြ ရူဘင် အမော်ရင် ကလည်း သူ့ရဲ့ တပည့်ဟောင်းကို ယူနိုက်တက်ဆီ ခေါ်ယူဖို့ စိတ်အားထက်သန်နေပါတယ်။
ဂူဟီကို ဘွန်ဒက်စ်လီဂါ ချန်ပီယံ ဘေယန်မြူးနစ် ကလည်း စိတ်ဝင်စားနေပြီး ခရစ္စတယ်ပဲလေ့စ် ဘက်ကတော့ သူတို့ရဲ့ အသင်းခေါင်းဆောင်ကို ဇန်နဝါရီ အပြောင်းအရွှေ့မှာ ခေါ်ယူနိုင်မယ်လို့ ယုံကြည်နေပါတယ်။
ချဲလ်ဆီး ကတော့ လာမယ့် ဇန်နဝါရီမှာ ပေါ်တိုရဲ့ အသက် ၂၁ နှစ် အရွယ် တိုက်စစ်မှူး ဆာမူ အက်ဂ်ဟီဟိုဝါကို ခေါ်ယူချင်နေပါတယ်။ ပရီးမီးယားလိဂ် ကလပ်ဟာ ဒီကစားသမား အတွက် ယူရို သန်း ၁၀၀ (ပေါင် ၈၇ သန်း) အဆင်သင့် ရှိနေကြောင်း Fichajes က ဖော်ပြပါတယ်။
အာဆင်နယ် ကတော့ တော့တင်ဟမ်ဟော့စပါးနဲ့ အပြိုင် အသက် ၁၇ နှစ် အရွယ် ပြင်သစ် ယူ ၂၀ လက်ရွေးစင် ဒီလီယန် အန် ဂက်ဆန်ကို ခေါ်ယူဖို့ ကြိုးပမ်းသွားဖွယ် ရှိကြောင်း CaughtOffside က ဖော်ပြပါတယ်။
ဆန့်ကျင်ဘက် သတင်းတွေ ထွက်ပေါ်နေပေမယ့်လည်း ရီးရဲလ်မက်ဒရစ်ဟာ အာဆင်နယ် နောက်ခံလူ ဝီလီယမ် ဆလီဘာကို ဘယ်သောအခါမှ အလေးအနက်ထား မစဉ်းစားခဲ့ဘူးလို့ သိရပါတယ်။ ရီးရဲလ်မက်ဒရစ်ဟာ လစ်ဗာပူးလ်က အီဘရာဟီမာ ကိုနာတေးနဲ့ ဘေယန်မြူးနစ်က ဒါယော့တ် အူပါမီကာနို ကိုပဲ ခေါ်ယူဖို့ ဆုံးဖြတ်ထားကြောင်း သိရပါတယ်။
ချဲလ်ဆီး ကတော့ ဘယ်လ်ဂျီယံ တိုက်စစ်မှူး ဒီယေဂို မိုရီရာကို ညီအစ်မ ကလပ် စထရက်ဘော့ဂ်ကို ရောင်းချခဲ့ပေမယ့် တစ်နှစ် အတွင်း စတန်းဖို့ဒ်ဘရစ်ချ်ကို ပြန်လည် ခေါ်ယူဖို့ စိတ်အားထက်သန်နေကြောင်း TBR Football က ဖော်ပြပါတယ်။
နယူးကာဆယ် ကတော့ ကလပ် ဘရုဂေး နောက်ခံလူ ဂျိုဝဲလ် အော်ဒိုနက်ဇ်ကို လစ်ဗာပူးလ်နဲ့ အပြိုင်အဆိုင် ခေါ်ယူဖို့ ကြိုးပမ်းနေပါတယ်။ ဒီကစားသမား ကိုတော့ အက်စတွန်ဗီလာ ကလည်း အခြေအနေ စောင့်ကြည့်နေကြောင်း CaughtOffside က ဖော်ပြပါတယ်။
ရေးဗား ပလိတ် ကြယ်ပွင့်လေး အီယန် ဆူဘီယာ ဘရီကို ၂၀၂၆ ခုနှစ်မှာ ပရီးမီးယားလိဂ် ကလပ် တစ်ခုဆီ ရောက်ရှိလာဖို့ မျှော်လင့်ထားကြောင်း သိရပါတယ်။ မန်စီးတီးနဲ့ လစ်ဗာပူးလ် တို့ဟာ လက်ရှိမှာ အသက် ၁၈ နှစ် အရွယ် တောင်ပံကစားသမားကို ခေါ်ယူဖို့ ရေပန်းအစားဆုံး အဖြစ် သတ်မှတ်ခံထားရကြောင်း TBR Football က ဖော်ပြပါတယ်။
လစ်ဗာပူးလ် ကတော့ လိုက်ပ်ဇစ်ရဲ့ အသက် ၁၈ နှစ် အရွယ် စူပါစတား ယန် ဒီယိုမန်ဒီကို ခေါ်ယူဖို့ စဉ်းစားနေကြောင်း သိရပါတယ်။ ဒီဆယ်ကျော်သက် ကစားသမား အတွက် ယူရို သန်း ၁၀၀ ခန့် ကုန်ကျဖွယ် ရှိနေပြီး ပီအက်စ်ဂျီရဲ့ ပစ်မှတ်လည်း ဖြစ်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
