ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
ပရီးမီးယားလိဂ် ထိပ်သီး လစ်ဗာပူးလ် ကတော့ မိုဟာမက် ဆာလာကို လက်လွှတ်ရဖို့ များသွားခဲ့ပြီးနောက် ရီးရဲလ် တိုက်စစ်မှူး ရိုဒရီဂိုကို ယူရို သန်း ၁၄၀ (ပေါင် ၁၁၉ သန်း)နဲ့ ကမ်းလှမ်းခဲ့ကြောင်း သတင်းတွေ ထွက်နေပါတယ်။ ဒါ့အပြင် လစ်ဗာပူးလ်ဟာ နယူးကာဆယ် တိုက်စစ်မှူး အလက်ဇန္တား အိဆက်ခ် အတွက်လည်း နယူးကာဆယ်ထံ ယူရို ၁၃၅ သန်း (ပေါင် ၁၁၅ သန်း)နဲ့ ကမ်းလှမ်းဖို့ ပြင်ဆင်နေကြောင်း သိရပါတယ်။
ပပ် ဂွါဒီယိုလာ ကတော့ အတိတ်က သူ့ရဲ့ အမှားတွေကို နားလည်ခဲ့ပြီး မော်ဂန် ရော်ဂျာစ်ကို မန်ချက်စတာစီးတီး အသင်းထံ ပြန်လည် ခေါ်ဆောင်ဖို့ စိတ်အား ထက်သန်နေတယ်လို့ သိရပါတယ်။ မန်စီးတီးဟာ မော်ဂန် ရော်ဂျာစ်ကို ပြောင်းရွှေ့ကြေး ခပ်နည်းနည်းနဲ့ ထွက်ခွာခွင့်ပြုခဲ့ရပြီး နှစ်နှစ် အကြာ မှာတော့ အက်စတွန်ဗီလာ ဆီကနေ ပေါင် ၄၂.၅ သန်းနဲ့ ပြန်လည် ခေါ်ယူဖို့ ဆန္ဒရှိနေတာ ဖြစ်ပါတယ်။ ရော်ဂျာစ် ကတော့ ဒီရာသီမှာ အက်စတွန်ဗီလာ အတွက် ပြိုင်ပွဲစုံ ၄၄ ပွဲ ကစားပြီးတော့ ၁၃ ဂိုး သွင်းယူကာ ၉ ဂိုး ဖန်တီးပြီး ခြေစွမ်းပြနေသူ ဖြစ်ပါတယ်။
အန်ဆယ်လော့တီနဲ့ ရီးရဲလ်မက်ဒရစ်ရဲ့ အနာဂတ်ဟာ မသေမချာ ဖြစ်လာတဲ့နောက် စပိန် ဘီလူး တို့ဟာ လာမယ့် နွေရာသီမှာ အီတလီ နည်းပြနဲ့ လမ်းခွဲပြီး ဇနက်ဒင် ဇီဒန်းကို တတိယအကြိမ် အဖြစ် ပြန်လည် ခေါ်ယူဖို့ စဉ်းစားလျက် ရှိကြောင်း သိရပါတယ်။ ရီးရဲလ်မက်ဒရစ်ရဲ့ နည်းပြ ပစ်မှတ် စာရင်းထဲ မှာတော့ နာပိုလီ လက်ရှိ နည်းပြ အန်တိုနီယို ကွန်တီနဲ့ ဇာဘီ အလွန်ဆို တို့လည်း ထိပ်ဆုံးက ပါဝင်နေပါတယ်။
ရီးရဲလ်မက်ဒရစ် ဗဟိုခံစစ်မှူး အန်တိုနီယို ရူဒီဂါ ကိုတော့ ဆော်ဒီပရိုလိဂ် ကလပ်တွေက ခေါ်ယူဖို့ ချိတ်ဆက်လျက် ရှိကြောင်း သိရပါတယ်။ ဒါကြောင့် လာလီဂါ ကလပ်က အဆိုပါ ချိတ်ဆက်မှုတွေကို တားဆီးဖို့ အတွက် လုပ်ခ လစာ တိုးပေးပြီး စာချုပ်သစ် ချုပ်ဆိုဖို့ အန်တိုနီယို ရူဒီဂါနဲ့ ဆွေးနွေးမှုတွေ စတင်နေပြီ ဖြစ်ကြောင်း သိရပါတယ်။
တော့တင်ဟမ်ဟော့စပါး ကတော့ ဘရာဇီးလ် ကြယ်ပွင့် ရေယန်ကို ခေါ်ယူဖို့ အတွက် တခြားသော ကလပ်တွေနဲ့ အပြိုင်အဆိုင် ကြိုးပမ်းမှုကို ဦးဆောင်နေတယ်လို့ သိရပါတယ်။ စပါးဟာ ဗက်စ်ကိုဒဂါးမား တိုက်စစ်မှူးကို ခေါ်ယူဖို့ အက်စတွန်ဗီလာ၊ လစ်ဗာပူးလ်၊ နယူးကာဆယ်၊ နော်တင်ဟမ်ဖောရက်စ်၊ ဝုဗ် တို့နဲ့ ယှဉ်ပြိုင်နေရတာလည်း ဖြစ်ပါတယ်။ ပရီးမီးယားလိဂ် ထိပ်သီး အာဆင်နယ် ကတော့ လက်စတာစီးတီးရဲ့ ခြေစွမ်းပြ ကွင်းလယ်လူ ဘီလယ် အဲလ်ခန်နော့စ်ကို ပေါင်သန်း ၃၀ နဲ့ ကမ်းလှမ်းဖို့ အဆင်သင့် ဖြစ်နေကြောင်း သိရပါတယ်။ အာဆင်နယ်ဟာ လာမယ့် နွေရာသီမှာ ကွင်းလယ်လူ ဂျော်ဂျင်ဟိုနဲ့ သောမက်စ် ပါတေး တို့ကို လက်လွှတ်ရဖို့ များနေတာကြောင့် ခြေစွမ်းပြ ကွင်းလယ်လူတွေကို ပစ်မှတ်ထား စောင့်ကြည့်နေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
