ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
ချဲလ်ဆီး ကတော့ ဘုန်းမောက် ဗဟိုခံစစ်မှူး ဒင်းန် ဟွတ်ဒ်ဆန်ကို ပေါင်သန်း ၅၀ နဲ့ ခေါ်ယူဖို့ စီစဉ်နေကြောင်း သိရပါတယ်။ သူ့ကိုတော့ ပရီးမီးယားလိဂ် ကလပ်တွေ အပြင် ဘာစီလိုနာ နဲ့ ရီးရဲလ်မက်ဒရစ် ကလည်း မြင့်မားတဲ့ လုပ်ခလစာနဲ့ ကမ်းလှမ်းမှုတွေ ပြုလုပ်ဖို့ ရှိနေကြောင်း El Nacional က ဖော်ပြပါတယ်။
တခြား တစ်ဖက် မှာတော့ ရီးရဲလ်မက်ဒရစ်က ဘုန်းမောက်က ဟွတ်ဒ်ဆန်နဲ့ အတူ ဘယ်နောက်ခံလူ မီလော့စ် ကာကက်ဇ်ကို ခေါ်ယူဖို့ အတွက် ယူရို သန်း ၁၀၀ (ပေါင် ၈၃.၇ သန်း) သုံးစွဲဖို့ အဆင်သင့် ရှိနေကြောင်း သိရပါတယ်။ ရီးရဲလ်မက်ဒရစ်ဟာ အနာဂတ် အတွက် ခံစစ်ပိုင်းကို အင်အားဖြည့်တင်းဖို့ စီစဉ်နေပြီး ထိပ်တန်း ကစားသမားတွေကို ပစ်မှတ်ထားနေတာ ဖြစ်ပါတယ်။ ဒါ့အပြင် ရီးရဲလ်မက်ဒရစ်ဟာ နောက်ပိုင်း နှစ်တွေ အတွင်း ကစားသမား ခေါ်ယူမှု အတွက် ပြောင်းရွှေ့ကြေး သိပ်ပြီး မသုံးရတာကြောင့် လာမယ့် အပြောင်းအရွှေ့တွေမှာ ငွေသုံးနိုင်တဲ့ အခြေအနေမှာ ရှိနေပါတယ်။
အကယ်၍ လစ်ဗာပူးလ် အနေဲ့ ဒီနွေရာသီမှာ အသင်းခေါင်းဆောင် ဗာဂျယ် ဗန်ဒိုက်ခ်ကို အလွတ်ပြောင်းရွှေ့ကြေးနဲ့ ဆုံးရှုံးခဲ့ရင် နည်းပြ အာနေး ဆလော့တ်က ဘာစီလိုနာက ရော်နယ် အာရူဟို ခေါ်ယူဖို့ တွန်းအားပေးသွားမယ်လို့ သိရပါတယ်။ လက်ရှိမှာ လစ်ဗာပူးလ်က သူတို့ စာချုပ် သက်တမ်းတိုးဖို့ မျှော်လင့်ထားတဲ့ အာနိုးလ်၊ ဆာလာနဲ့ ဗန်ဒိုက်ခ် တို့ ၃ ဦး စလုံးကို အလွတ်နဲ့ လက်လွှတ်သွားရဖို့ များနေပြီ ဖြစ်ပါတယ်။

ဆက်စပ် သတင်းတွေအရ လစ်ဗာပူးလ်ဟာ အသင်းရဲ့ ပစ်မှတ်ဖြစ်တဲ့ ဘရိုက်တန် တိုက်စစ်မှူး ယာအို ပီဒရို အပြင် ချဲလ်ဆီးက အလိုရှိနေတဲ့ ကွင်းလယ်လူ ကားလို့စ် ဘာလီဘ တို့ကို နှစ်ဦးပေါင်း ပေါင် သန်း ၁၀၀ နဲ့ ခေါ်ယူဖို့ စီစဉ်နေကြောင်း သတင်းတွေ ထွက်နေပါတယ်။
နယူးကာဆယ် ကတော့ ပရီးမီးယားလိဂ် ပြိုင်ဘက် လစ်ဗာပူးလ် ကွင်းလယ်လူ ဟာဗေး အဲလီယော့တ်ကို အပြောင်းအရွှေ့မှာ ခေါ်ယူဖို့ အဆင်သင့် ဖြစ်နေပြီလို့ သိရပါတယ်။ နယူးကာဆယ်ဟာ လက်ရှိ အဓိက ကွင်းလယ်လူ ဘရူနို ဂီမာရေ့စ်ကို ထိပ်တန်း ကလပ်တွေက စိတ်ဝင်စားနေတာကြောင့် ကြိုတင် ပြင်ဆင်တဲ့ အနေနဲ့ တခြားသော ကစားသမားတွေကို စောင့်ကြည့်နေတာ ဖြစ်ပါတယ်။
လစ်ဗာပူးလ် ဗဟိုခံစစ်ကစားသမား ဂျာရဲလ် ကွန်ဆာ ကတော့ ပုံမှန် ပွဲထွက်ခွင့် ရရှိချင်တာကြောင့် လစ်ဗာပူးလ် ကနေ ထွက်ခွာပြီး နယူးကာဆယ်ကို ပြောင်းရွှေ့ချင်နေကြောင်း သိရပါတယ်။ ဒါပေမယ့်လည်း လစ်ဗာပူးလ် ကလည်း ကွန်ဆာ ကို အပြီးသတ် ရောင်းထုတ်ဖို့ထက် အလဲထပ် သဘောမျိုးနဲ့ ထွက်ခွာခွင့်ပေးသွားဖို့ ပိုပြီး စိတ်ဝင်စားနေပါတယ်။
အက်စတွန်ဗီလာဟာ ဥရောပ ထိပ်တန်း ကလပ် များစွာရဲ့ စိတ်ဝင်စားခြင်း ခံနေရတဲ့ ကွင်းလယ် ကစားသမား ဘူဘာကာ ကာမာရာကို အသင်းမှာ ဆက်ထိန်းထားဖို့ စံချိန်တင် စာချုပ် တစ်ရပ်နဲ့ ကမ်းလှမ်းသွားမှာ ဖြစ်ကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.