ပရီးမီးယားလိဂ် ကလပ် အက်စတွန်ဗီလာ ကတော့ ချဲလ်ဆီး တိုက်စစ် ကစားသမား ယာအို ဖီးလစ်ကို ခေါ်ယူဖို့ အတွက် စတင် ကြိုးပမ်းနေပြီလို့ သိရပါတယ်။ ဗီလာဟာ ပြီးခဲ့တဲ့ ရက်ပိုင်း ကပဲ ချဲလ်ဆီး နောက်ခံလူ အက်ဇဲလ် ဒီဆာဆီကို ခေါ်ယူဖို့ အတွက် ပုဂ္ဂိုလ်ရေးအရ သဘောတူညီမှု ရရှိခဲ့ပြီးနောက် ယာအို ဖီးလစ်ကို ဆက်လက် ကြိုးပမ်းဖို့ အသင့် ရှိနေတာ ဖြစ်ပါတယ်။
ယာအို ဖီးလစ် ကတော့ အက်စတွန်ဗီလာ နည်းပြ အူနိုင်း အမ်မရီ သဘောကျတဲ့ ကစားသမား ဖြစ်ပြီးတော့ ပြီးခဲ့တဲ့ နွေရာသီ အပြောင်းအရွှေ့ ကတည်းက ခေါ်ယူဖို့ ပစ်မှတ်ထားခဲ့တာ ဖြစ်ပါတယ်။ အက်စတွန်ဗီလာက မူဆာ ဒီယာဘီကို လက်လွှတ်လိုက်ရချိန် ကတည်းက ပေါ်တူဂီ တိုက်စစ်မှူးနဲ့ ပြန်လည် အားဖြည့်ချင်ခဲ့တာ ဖြစ်ပေမယ့် အဆင်တော့ မပြေခဲ့ပါဘူး။ ဒါကြောင့် အခု ဇန်နဝါရီ မှာတော့ ဗီလာက နောက်တစ်ကြိမ် ထပ်မံ ကြိုးပမ်းသွားဖို့ ရှိနေတာ ဖြစ်ပါတယ်။
ပရီးမီးယားလိဂ် ကလပ်က လက်ရှိ ဈေးကွက် အတွင်းမှာ တောင်ပံ ကစားသမား ဒွန်ရယ်လ် မယ်လန် ကို ဒေါ့မန် ကနေ ခေါ်ယူထားခဲ့သလို လီဗန်တေး ကနေ စပိန် ညာနောက်ခံလူ အန်းဒရီ ဂါဆီယာ ကိုလည်း ခေါ်ယူထားခဲ့ပါသေးတယ်။ တစ်ဖက် မှာလည်း ဗီလာက ဂျေဒန် ဖီလိုဂျင်း-ဘိုင်ဒေါ့စ်ကို အစ်ပ်ဆွစ်ချ်ဆီ ရောင်းထုတ်ပြီး ဒီယေဂို ကားလိုစ် ကိုလည်း ဖီနာဘာချီဆီ ရောင်းထုတ် ထားခဲ့ပါတယ်။
အက်စတွန်ဗီလာဟာ ဖီနာဘာချီ အသင်းထံ အပြီးသတ် ပြောင်းရွှေ့သွားခဲ့တဲ့ ဒီယေဂို ကားလိုစ်ရဲ့ နေရာ မှာတော့ ဗီလာရီးရဲလ်က ဂျူအန် ဖွိုက်နဲ့ အစားထိုးဖို့ ပစ်မှတ်ထားနေခဲ့သလို ချဲလ်ဆီးက ပြင်သစ် နောက်ခံလူ ဒီဆာဆီကို ခေါ်ယူဖို့ အတွက်လည်း ကစားသမားနဲ့ ပုဂ္ဂိုလ်ရေးဆိုင်ရာ သဘောတူညီမှုတွေ ရရှိထားခဲ့သလို ချဲလ်ဆီးနဲ့ သဘောတူညီမှု ရရှိဖို့သာ ကျန်ရှိတော့တာ ဖြစ်ပါတယ်။
ဒီဆာဆီ ကိုတော့ အက်စတွန်ဗီလာ အပါအဝင် တခြားသော ပရီးမီးယားလိဂ် နဲ့ စီးရီးအေ ထိပ်တန်း ကလပ်တွေက စိတ်ဝင်စားနေကြတာ ဖြစ်ပါတယ်။ ဒါပေမယ့်လည်း ဒီဆာဆီ ကိုယ်တိုင် ကတော့ အက်စတွန်ဗီလာ ကိုသာ ပြောင်းရွှေ့ဖို့ ရွေးချယ်ထားပြီး နှစ်သင်း အကြား သဘောတူညီမှု ရရှိရင်တော့ အပြောင်းအရွှေ့ ဖြစ်မြောက်တော့မှာပါ။ တစ်ဆက်တည်း မှာပဲ ဗီလာက နောက်ထပ် ချဲလ်ဆီး ကစားသမား တစ်ဦး ဖြစ်တဲ့ ပေါ်တူဂီ လက်ရွေးစင် ယာအို ဖီးလစ် ကိုပါ ထပ်မံ ကြိုးပမ်းလာခဲ့နေပြီး ဒါကလည်း စောင့်ကြည့်ရမယ့် အပြောင်းအရွှေ့ ဖြစ်ကြောင်း ဖာဘရီဇီယို ရိုမာနိုက အတည်ပြုထားပါတယ်။
ယာအို ဖီးလစ်က လက်ရှိ နွေရာသီ ကမှ အက်တလက်တီကိုမက်ဒရစ် ကနေ ချဲလ်ဆီးကို ထပ်မံ ပြောင်းရွှေ့လာခဲ့သူ ဖြစ်ပြီး အသင်း အတွက် ပြိုင်ပွဲစုံ ပွဲ ၂၀ သာ ကစားခွင့် ရရှိထားပါတယ်။ ယာအို ဖီးလစ်ဟာ ချဲလ်ဆီး အတွက် ယူရိုပါကွန်းဖရင့်လိဂ်၊ အက်ဖ်အေဖလားနဲ့ ခရာဘောင်ဖလား ပွဲစဉ်တွေ မှာသာ ပွဲထွက်ခွင့် ရနေပြီး ပရီးမီးယားလိဂ် မှာတော့ ၃ ပွဲသာ ကစားထားရပါသေးတယ်။ ဒါကြောင့် ယာအို ဖီးလစ်က သူ ပွဲထွက်ခွင့် မရတဲ့ အပေါ် စိတ်ပျက်လျက် ရှိပြီး အသင်း ပြောင်းဖို့ စဉ်းစားလာခဲ့တာ ဖြစ်ပါတယ်။
လက်ရှိ အခြေအနေကို အက်စတွန်ဗီလာက အခွင့်ကောင်းယူပြီး ခေါ်ယူချင်နေသလို အသင်း တော်တော်များများ ကလည်း ကနဦး အငှားနဲ့ ခေါ်ယူဖို့ စိတ်ဝင်စားနေကြတာ ဖြစ်ပါတယ်။ အက်စတွန်ဗီလာက တိုက်စစ် ကစားသမား တစ်ဦး ဖြစ်တဲ့ ဘူအန်ဒီရာ ကိုလည်း မကြာခင်မှာ လေဗာကူဆင် အသင်းထံ လက်လွှတ်ရဖို့ ရှိနေတာကြောင့် ဖီးလစ်ကို ခေါ်ယူဖို့ အသေအချာ ကြိုးပမ်းသွားဖွယ်လည်း ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
