အာဆင်နယ် တောင်ပံ ကစားသမား ဘူကာယို ဆာကာ အနေနဲ့ ဒဏ်ရာ ကနေ ပြန်လည် သက်သာလာပြီးနောက် အသင်း အတွက် ဂိုးချက်ချင်း သွင်းယူပေးနိုင်ခဲ့တာကြောင့် နည်းပြ မီခဲလ် အာတေးတား တစ်ယောက် ဝမ်းသာနေပါတယ်။ အင်္ဂလန် လက်ရွေးစင်ဟာ ဖူလ်ဟမ်နဲ့ ကစားတဲ့ ပရီးမီးယားလိဂ် ပွဲစဉ်မှာ အာဆင်နယ် အတွက် အရေးပါတဲ့ သွင်းဂိုး ၁ ဂိုး ရယူပေးနိုင်ခဲ့တာ ဖြစ်ပါတယ်။ ဆာကာ ဂိုးသွင်းနိုင်ခဲ့တာနဲ့ ပတ်သတ်လို့ အာတေးတားက ‘လှပတဲ့ အခိုက်အတန့်’ ဖြစ်ကြောင်း ချီးကျူးခဲ့တာ ဖြစ်ပါတယ်။
အာတေးတားက “ဒါက တကယ့်ကို လှပတဲ့ အချိန်ပဲ။ ကျွန်တော် တို့ရဲ့ လူတွေက ဆာကာကို ဘယ်လောက်အထိ ချစ်ခင် လေးစား သဘောကျတယ် ဆိုတာ ဒီမှာ မြင်ရတယ်။ သူ့ရဲ့ တုံပြန်မှုက အကောင်းဆုံး သက်သေပါပဲ။ ဂိုးသွင်းပြီးတာနဲ့ သူဘာလုပ်လဲ။ သူပြေးသွားပြီး သူ့ကို ဒီလို အခြေအနေ ပြန်ရောက်အောင် ကူညီပေးခဲ့တဲ့ အားကစား သိပ္ပံပညာရှင်တွေ ဆေးအဖွဲ့တွေကို ကျေးဇူးတင်စကား ပြောခဲ့ပါတယ်။ သူက ကွင်းထဲမှာ စွမ်းအင်တွေကို မြှင့်တင်ပေးခဲ့တယ်။ သူ ပြန်လာတာ တကယ်ကို ဝမ်းသာစရာပါပဲ။” လို့ ပြောကြားခဲ့ပါတယ်။
ဒါပေမယ့် အာဆင်နယ် အတွက် ဒီပွဲက သိပ်ပြီး ပြီးပြည့်စုံ မနေခဲ့ပါဘူး။ ဆာကာ ပြန်လာပေမယ့် ခံစစ်မှာ အဓိက ကစားသမား ဂါဘရီယယ်ကို ပွဲစပြီး ၁၆ မိနစ် မှာတင် ပေါင်ခြံ ဒဏ်ရာကြောင့် လူစားလဲခဲ့ရပါတယ်။ ဒါဟာ လာမယ့် အင်္ဂါနေ့မှာ ရီးရဲလ်မက်ဒရစ်နဲ့ ချန်ပီယံလိဂ် ကွာတားဖိုင်နယ် ပထမအကျော့ ပွဲစဉ် မတိုင်ခင် ကြီးမားတဲ့ ထိုးနှက်ချက် တစ်ခုပါ။ ဂါဘရီယယ်နဲ့ ဒူးဒဏ်ရာ ရှိနေတဲ့ ဂျူရီယန် တင်ဘာ တို့ကို ဒီနေ့မှာ စစ်ဆေးမှုတွေ ပြုလုပ်သွားမှာ ဖြစ်ကြောင်း သိရပါတယ်။
ဂါဘရီရယ်ရဲ့ ဒဏ်ရာ အခြေအနေနဲ့ ပတ်သတ်လို့ အာတေးတားက “ဟုတ်ပါတယ်။ စိုးရိမ်စရာ ရှိပါတယ်။ ဘာလို့လဲ ဆိုတော့ ဂါဘရီယယ်က ဘယ်တော့မှ ကွင်းထဲက ဒီလိုမျိုး ထွက်သွားရတာ မရှိဘူး။ သူ တစ်ခုခု ခံစားမိတယ်လို့ ပြောတယ်။ ဒဏ်ရာ ဘယ်လောက်ဆိုးလဲ ဆိုတာ မသိသေးဘူး။ တင်ဘာ ကလည်း ပွဲ အစပိုင်းမှာ အခက်အခဲ ရှိနေခဲ့တယ်။ ဆက်ကစားနိုင်ခဲ့ပေမယ့် အချိန်တစ်ခုမှာ မထိန်းနိုင်တော့ဘူး။ သူတို့ နှစ်ယောက်ရဲ့ အခြေအနေကို မသိသေးဘူး။ ဒီနေ့မှာ စစ်ဆေးပြီး ဘယ်လို ဖြစ်မလဲ ဆိုတာ ပိုရှင်းလာမှာပါ။” လို့ ပြောကြားသွားခဲ့ပါတယ်။
ဆာကာဟာ ဖူလ်ဟမ်နဲ့ ပွဲမှာ လူစားဝင်လာပြီးနောက် ၇ မိနစ် အကြာမှာပဲ ဂိုးသွင်းယူနိုင်ခဲ့တာ ဖြစ်ပါတယ်။ အသက် ၂၃ နှစ် အရွယ် ဆာကာဟာ ပေါင်ခြံ ဒဏ်ရာကြောင့် ခွဲစိတ် ကုသမှု ခံယူခဲ့ရပြီးတော့ ရက်ပေါင်း ၁၀၁ ရက်ကြာ အနားယူခဲ့ရပါတယ်။ ပထမပိုင်းမှာ မီခဲလ် မာရင်နိုက အာဆင်နယ် အတွက် ဦးဆောင်ဂိုး သွင်းယူထားပြီးနောက် ဆာကာရဲ့ ဂိုးက အာဆင်နယ် အတွက် ပိုပြီး အနိုင်သေချာသွားစေခဲ့တာ ဖြစ်ပါတယ်။ ဆာကာဟာ မာတီနယ်လီရဲ့ ဖြတ်တင် ပေးပို့မှုကို ခေါင်းတိုက် သွင်းယူခဲ့တာ ဖြစ်ပြီးတော့ ဂိုးသွင်းယူပြီးနောက်မှာလည်း ဆာကာက အာဆင်နယ်ရဲ့ ဆေးအဖွဲနဲ့ အားကစား သိပ္ပံပညာရှင်တွေဆီ ပြေးကာ အောင်ပွဲခံခဲ့ပါတယ်။ အာဆင်နယ် ကတော့ လက်ရှိမှာ ပရီးမီးယားလိဂ် အမှတ်ပေးဇယား ထိပ်က လစ်ဗာပူးလ်နဲ့ ၁၂ မှတ် ကွာဟနေဆဲ ဖြစ်ပြီး ချန်ပီယံ ဖြစ်ဖို့တော့ မျှော်လင့်ချက် နည်းပါးနေပြီ ဖြစ်ပါတယ်။ ဒါပေမယ့်လည်း အာဆင်နယ်က ပရီးမီးယားလိဂ် ထက် ပိုအရေးကြီးနေတဲ့ ချန်ပီယံလိဂ်မှာ ရီးရဲလ်မက်ဒရစ်နဲ့ တွေ့ဆုံရဦးမှာ ဖြစ်ပါတယ်။ ဒါကြောင့် အခုလို အဓိက နောက်ခံလူတွေ ဒဏ်ရာ အခြေအနေ ရှိနေတာက အာဆင်နယ် အတွက် အဓိက ထိုးနှက်ချက် ဖြစ်လာဖို့ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
