လာလီဂါ အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
လီနီ ယိုရို ကတော့ ပြီးခဲ့တဲ့ နွေရာသီက လာလီဂါ ကလပ် ရီးရဲလ်မက်ဒရစ်ထက် မန်ချက်စတာယူနိုက်တက်ကို ပြောင်းရွှေ့ခဲ့မိလို့ နောင်တရနေတယ်လို့ သိရပါတယ်။ ဒါကြောင့် ပြင်သစ်သားက ရာသီအကုန်မှာ စပိန် ကလပ်သို့ ပြောင်းရွှေ့ဖို့ သူ့ရဲ့ အေးဂျင့်ကို တောင်းဆိုထားတယ်လို့ သိရပါတယ်။ ယူနိုက်တက် ကတော့ ယိုရိုကို ရောင်းချလိုခြင်း မရှိပဲ အကယ်၍ ရောင်းချရမယ် ဆိုရင်လည်း သူတို့ ခေါ်ယူခဲ့စဉ်က ပေးချေခဲ့ရတဲ့ ယူရို သန်း ၆၀ (ပေါင် ၅၀.၉ သန်း) ထက် ပိုများတဲ့ အမြတ်ငွေ ရရှိဖို့ တောင်းဆိုသွားဖွယ် ရှိနေတယ်လို့ Defensa Central က ဖော်ပြပါတယ်။
အင်တာမီလန် ကတော့ ပီအက်စ်ဂျီ ဂိုးသမား ဂျီယန်လူဝီဂျီ ဒွန်နာရမ်းမားကို ခေါ်ယူဖို့ အတွက် ဘေယန်မြူးနစ်၊ မန်ချက်စတာစီးတီး ဂျူဗင်တပ်စ် တို့နဲ့ အပြိုင် ကြိုးပမ်းနေကြောင်း သိရပါတယ်။ ဒီဂိုးသမား ကတော့ အခုနှစ်မှာ လက်စွမ်းကောင်းတွေ ပြသနေပြီးတော့ ပီအက်စ်ဂျီတို့ ချန်ပီယံလိဂ် မှာလည်း ဗိုလ်လုပွဲ တက်ရောက်နိုင်ဖို့ အတွက် အဓိက စွမ်းဆောင်ပေးနေသူလည်း ဖြစ်ပါတယ်။
ချဲလ်ဆီး ကတော့ လာလီဂါ ကလပ် ရီးရဲလ်မက်ဒရစ် ဗဟိုခံစစ်မှူး အန်တိုနီယို ရူဒီဂါကို နွေရာသီ အပြောင်းအရွှေ့မှာ ပြန်လည် ခေါ်ယူဖို့ ကြိုးပမ်းနေတယ်လို့ သတင်းတွေ ထွက်နေပါတယ်။ ရူဒီဂါကို သူ့ရဲ့ အပြုအမူတွေကြောင့် ရီးရဲလ်မက်ဒရစ် ဘက်ကလည်း ထွက်ခွာခွင့်ပေးသွားဖို့ ရှိနေကြောင်း သိရပါတယ်။
လာလီဂါ ကလပ် ဘာစီလိုနာ ကတော့ နောက်ခံလူ ရော်နယ် အာရူဟိုရဲ့ စျေးနှုန်းကို ယူရို သန်း ၅၀ (ပေါင် ၄၂.၄ သန်း) အထိ လျှော့ချခဲ့တယ်လို့ သိရပါတယ်။ ဥရုဂွေး လက်ရွေးစင် နောက်ခံလူ ကိုတော့ ဘေယန်မြူးနစ်၊ ဂျူဗင်တပ်စ်နဲ့ မန်ချက်စတာယူနိုက်တက် တို့က ခေါ်ယူဖို့ စိတ်ဝင်စားလျက် ရှိနေပါတယ်။
ဆော်ဒီပရိုလိဂ် ကလပ် အဲလ်ဟီလာ ကတော့ ဒါဝင် နူညက်ဇ်နဲ့ လူးဝစ္စ ဒီးယက်ဇ် တို့ကို ခေါ်ယူဖို့ စိတ်ဝင်စားနေကြောင်း သိရပါတယ်။ လစ်ဗာပူးလ် ကတော့ နူညက်ဇ် အတွက် ကနဦး ယူရို သန်း ၈၀ (ပေါင် ၆၇.၈ သန်း) နဲ့ ရောင်းချဖို့ စီစဉ်ထားပြီး အလားတူ ကမ်းလှမ်းမှုတွေ ကိုလည်း စောင့်ဆိုင်းသွားဖို့လည်း ရှိနေပါတယ်။
လစ်ဗာပူးလ် ကတော့ နွေရာသီ အပြောင်းအရွှေ့မှာ မာဆေးလ် တိုက်စစ်မှူး မေဆန် ဂရင်းဝုဒ်ကို ခေါ်ယူဖို့ စိတ်ဝင်စားနေကြောင်း သိရပါတယ်။ မာဆေးလ် ကတော့ သူတို့ရဲ့ ခြေစွမ်းပြ တိုက်စစ်မှူး အတွက် ယူရို သန်း ၇၀ (ပေါင် ၅၉.၃ သန်း) ဝန်းကျင်လိုချင်နေကြောင်း သိရပါတယ်။
အာဆင်နယ် ကတော့ ဒေါ့မန် တောင်ပံကစားသမား ဂျေမီ ဘိုင်နို ဂစ်တင်စ် ထက် ကလပ် နဲ့ ပူးပေါင်းဖို့ အလားအလာ ပိုများတဲ့ ဗလင်စီယာ ဗဟိုခံစစ်မှူး ခရစ္စတီယန် မော့စ်ကီရာကို ခေါ်ယူဖို့ စိတ်ဝင်စားနေတယ်လို့ FourFourTwo က ဖော်ပြပါတယ်။ လက်ရှိမှာ အာဆင်နယ်ရဲ့ အဓိက နောက်ခံလူ ဝီလီယမ် ဆလီဘာကို လာလီဂါ ထိပ်သီး ရီးရဲလ်မက်ဒရစ်က ခေါ်ယူချင်နေတာကြောင့် ဂန်းနားတွေ အနေနဲ့ ဗဟိုခံစစ် ကစားသမား တချို့ကို ပစ်မှတ်ထား စောင့်ကြည့်နေရတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
