ဇူလိုင်လ ၃၀ ရက်နေ့ အတွက် ရရှိထားသမျှ စိတ်ဝင်စားစရာ လာလီဂါ ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
ရီးရဲလ်မက်ဒရစ် ကတော့ ဘာစီလိုနာ နောက်ခံလူ ရော်နယ် အာရူဟိုကို အံ့အားသင့်ဖွယ် စိတ်ဝင်စားနေကြောင်း Defensa Central က ဖော်ပြခဲ့ပါတယ်။ လာလီဂါ ချန်ပီယံ တို့ဟာ ဒီအခြေအနေကို စိုးရိမ်နေပြီး ဥက္ကဌ ယိုအန် လာပေါ်တာ အနေနဲ့ ရှောင်ရှားနိုင်ဖို့ ပြင်ဆင်နေကြောင်း သိရပါတယ်။ ဒါ့အပြင် ဘာစီလိုနာက ဗာဂျယ် ဗန်ဒိုက်ခ် နေရာမှာ ရေရှည်အစားထိုးဖို့ နောက်ခံလူ ရှာဖွေနေတဲ့ လစ်ဗာပူးလ်နဲ့ ဆွေးနွေးထားကြောင်း သတင်းတွေ ထွက်ပေါ်နေပါတယ်။ လစ်ဗာပူးလ် ကတော့ အာရူဟို အတွက် ယူရိုသန်း ၄၀ (ပေါင် ၃၄.၇ သန်း) ပေးချေဖို့ အဆင်သင့် ရှိနေကြောင်း သိရပါတယ်။
ဘာစီလိုနာ ကနေ ထွက်ခွာဖို့ ချိတ်ဆက်နေတဲ့ နောက်ထပ် ကစားသမား တစ်ဦး ကတော့ ဘယ်နောက်ခံလူ ဂျရတ် မာတင် ဖြစ်ပါတယ်။ El Nacional ရဲ့ ဖော်ပြချက်အရ အသက် ၁၈ နှစ် အရွယ် ဂျိုဖရေး တောရန့် ပေါ်ထွက်လာခြင်း ကလည်း ဂျရတ် မာတင်ရဲ့ အပြောင်းအရွှေ့ကို တွန်းအားပေးနေကြောင်း သိရပါတယ်။
လာလီဂါ ကလပ် ရီးရဲလ်မက်ဒရစ် ကတော့ ဒီနွေရာသီမှာ ဒေးဗစ် အလာဘာနဲ့ ဖာလန်း မန်ဒီ တို့ကို ရောင်းချဖို့ ဆန္ဒရှိနေတယ်လို့ သိရပါတယ်။ ဒါပေမယ့်လည်း ကစားသမား နှစ်ဦးစလုံး ကတော့ အသင်း ကနေ ထွက်ခွာဖို့ ဆန္ဒမရှိကြောင်း သိရပါတယ်။
ဘာစီလိုနာ ကတော့ ချဲလ်ဆီး တိုက်စစ်မှူး နီကိုးလက်စ် ဂျက်ဆန်ကို ခေါ်ယူဖို့ အပြိုင်အဆိုင် ဦးဆောင်နေကြောင်း CaughtOffside က ဖော်ပြပါတယ်။ ချဲလ်ဆီး ကတော့ ဂျက်ဆန် အတွက် ပြောင်းရွှေ့ကြေး ယူရို သန်း ၅၀ (ပေါင် ၄၃.၄ သန်း) လိုချင်နေပေမယ့်လည်း ဘာစီလိုနာ ကတော့ အငှားနဲ့ ခေါ်ယူဖို့ ပိုပြီး စိတ်ဝင်စားနေတယ်လို့ သိရပါတယ်။
အက်တလက်တီကိုမက်ဒရစ် ကတော့ ဘရိုက်တန် တောင်ပံ ကစားသမား ဂျရယ်မီ ဆာမီယန်တိုကို ခေါ်ယူဖို့ စိတ်ဝင်စားနေကြောင်း Calciomercato.it က ဖော်ပြခဲ့ပါတယ်။ အသက် ၂၃ နှစ် အရွယ် ကစားသမားဟာ ဘရိုက်တန် ကနေ ထွက်ခွာချင်နေပြီးတော့ ဥရောပ တစ်ဝှမ်းက ကလပ် အသင်း များစွာရဲ့ စိတ်ဝင်စားခြင်းကို ခံနေရပါတယ်။
ရီးရဲလ်မက်ဒရစ် ကတော့ မန်စီးတီး ကွင်းလယ်လူ ရိုဒရီကို ခေါ်ယူချင်နေကြောင်း ပြသထားပြီး ဒီအခြေအနေကို ရပ်တန့်ဖို့ အတွက် မန်စီးတီးက စပိန်သားကို ၅ နှစ် စာချုပ်သစ် ချုပ်ဆိုဖို့ စီစဉ်နေကြောင်း သိရပါတယ်။
ဘာစီလိုနာ ကတော့ အကယ်ဒမီထွက် ကစားသမား ဂျရတ် မာတင်ကို ယူရို ၁၅ သန်း နဲ့ ရောင်းထုတ်ဖို့ ဆန္ဒရှိနေကြောင်း El Nacional က ဖော်ပြခဲ့ပါတယ်။ စပိန် ဘယ်နောက်ခံလူ ကိုတော့ ပရီးမီးယားလိဂ် ကလပ် အသင်း များစွာက စိတ်ဝင်စားနေကြောင်း သိရပါတယ်။
ဆော်ဒီပရိုလိဂ် ကလပ် အဲလ်နာဆာ အသင်းခေါင်းဆောင် ခရစ္စတီယာနို ရော်နယ်ဒို ကတော့ ဒီနွေရာသီမှာ ဘာစီလိုနာ နောက်ခံလူ အန်ဒရီယာစ် ခရစ္စတန်ဆန်ကို ခေါ်ယူဖို့ တိုက်တွန်းထားတယ်လို့ Fichajes က ဖော်ပြခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
