စက်တင်ဘာ ၁ ရက်နေ့ အထိ နောက်ဆုံး ရရှိထားသမျှ ဘွန်ဒက်စ်လီဂါ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
အေစီမီလန်ကို ပြောင်းရွှေ့သွားခဲ့တဲ့ ဝုလ်ဖ်ဘတ် ကွင်းလယ်လူ
အေစီမီလန်ဟာ ဘွန်ဒက်စ်လီဂါ ကလပ် ဝုလ်ဖ်ဘတ်ရဲ့ ကွင်းလယ်လူ အက်စတာဗရန့်စ်ကို ခေါ်ယူဖို့ သဘောတူညီမှု ရရှိခဲ့ကြောင်း သိရပါတယ်။ အဆိုပါ ကွင်းလယ်လူဟာ ကနဦး အငှားစာချုပ်နဲ့ အေစီမီလန်ကို ပြောင်းရွှေ့မှာလည်း ဖြစ်ပါတယ်။
ဒီကစားသမားဟာ ပြီးခဲ့တဲ့ နွေရာသီကမှ ကေဗီမက်ချ်လန် ကနေ ဝုလ်ဖ်ဘတ်ကို ရောက်ရှိလာတာ ဖြစ်ပြီး အသင်းအတွက် (၂၈) ပွဲ ကစားပေးခဲ့ပါတယ်။ အသက် (၁၉) နှစ် အရွယ် ဒီကစားသမား အတွက် အငှား ပြောင်းရွေ့ကြေး ယူရို (၁.၅) သန်းနဲ့ အပြီးသတ် ခေါ်ယူခွင့် ယူရို (၁၂) သန်း သတ်မှတ်ထားတယ်လို့ သိရပါတယ်။
လက်စတာကို အငှားနဲ့ ပြောင်းရွှေ့ဖွယ် ရှိတဲ့ ရှော်လ်ကေး တောင်ပံကစားသမား
ရှော်လ်ကေး တောင်ပံကစားသမား အမီနီ ဟာရစ်ဟာ ပရီးမီးယားလိဂ် ကလပ် လက်စတာကို ပြောင်းရွှေ့ဖွယ် ရှိနေကြောင်း သိရပါတယ်။
ဒီသတင်းကိုတော့ ဒေးလီးမေးလ် သတင်းထောက် ဆိုင်မွန် ဂျုံးစ်က အတည်ပြုခဲ့ပြီး ကစားသမား အနေနဲ့ လက်စတာကို အငှားနဲ့ ပြောင်းရွှေ့ဖို့ ဆွေးနွေးမှုတွေ ရှိနေတယ်လို့ ဆိပါတယ်။ လက်စတာဟာ လက်ရှိ နွေရာသီမှာ ဂိုးသမား ကက်စ်ပါ ရှမိုက်ကယ်၊ နောက်ခံလူ ဖိုဖာနာ တို့ကို လက်လွှတ်ထားရပါတယ်။
ဒါ့အပြင် လက်ရှိအချိန်မှာ အသင်းရဲ့ ရလဒ်ပိုင်း ဆိုးရွားနေမှုကြောင့် လက်စတာ အနေနဲ့ ကစားသမားသစ် ဖြည့်တင်းဖို့ လိုအပ်နေပြီး အခုလိုပဲ ဟာရစ်နဲ့ ဆွေးနွေးမှုတွေ ပြုလုပ်နေတာပါ။ ဘွန်ဒက်စ်လီဂါ ကလပ် ရှော်လ်ကေး ကလည်း ဘဏ္ဍာရေး ပြဿနာကြောင့် ကစားသမား အချို့ကို လက်လွှတ်ခံသွားဖို့ ပြင်ဆင်နေတာ ဖြစ်ပါတယ်။
စီးရီးအေကို ပြန်လည် ပြောင်းရွှေ့သွားခဲ့တဲ့ ပီယာတက်ခ်
ဟာသာဘာလင် တိုက်စစ်မှူး ခရိုင်ဇ်တော့ဖ် ပီယာတက်ခ်ဟာ စီးရီးအေ ကလပ် ဆလာနီတာနာကို အငှားနဲ့ ပြောင်းရွှေ့သွားခဲ့ပြီလို့ သိရပါတယ်။ အဆိုပါ ကစားသမားရဲ့ လစာငွေ (၆၀) ရာခိုင်နှုန်းကို ဘွန်ဒက်စ်လီဂါ ကလပ် ဘက်က ပေးချေရမှာပါ။
သူ့ရဲ့တစ်ရာသီ အငှားစာချုပ် သက်တမ်းကုန်ဆုံးခဲ့ရင်တော့ ဆလာနီတာနာက ပြောင်းရွှေ့ကြေး ယူရို (၈) သန်း ဝန်းကျင်နဲ့ အပြီးသတ် ခေါ်ယူနိုင်မှာလည်း ဖြစ်ပါတယ်။ ပီယာတက်ခ်ဟာ အသင်းသစ်နဲ့ အပြောင်းအရွှေ့ နောက်ဆုံးနေ့မှာ ဆေးစစ်မှု ခံယူသွားမှာပါ။ ပိုလန်လူမျိုး တိုက်စစ်မှူးဟာ စီးရီးအေ အတွေ့အကြုံရှိ ကစားသမား တစ်ဦး ဖြစ်ပြီး ဂျီနိုအာ၊ အေစီမီလန်နဲ့ ဖီအိုရင်တီးနား တို့မှာ ကစားခဲ့ဖူးပါတယ်။
ဆလာနီတာနာဟာ ပီယာတက်ခ်ကို ခေါ်ယူနိုင်ခဲ့တာကြောင့် တိုက်စစ် အင်အား တောင့်တင်းသွားခဲ့ပြီး သူတို့ အသင်းရဲ့ တိုက်စစ် မှာတော့ဘူလာယီဒီရာ၊ ဖရက်ဒရီကို ဘိုနာဇိုလီနဲ့ အဲရစ်ဘိုသိမ် တို့ ရှိထားပြီး ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
